“Barselona” hujumchisi Lionel Messi faoliyatini qachon yakunlashi haqidagi savolga javob qaytardi.
“Yana qancha muddat futbol o‘ynayman? Bu juda qiyin savol. Ochig‘i, yana qancha vaqt to‘p tepishimni bilmayman. Futbol o‘ynashga bo‘lgan xohish va ishtiyoqim kundan-kunga oshib bormoqda. Maqsadlarim ko‘p, ularga klub bilan birga erishishni xohlayman. Ko‘plab gollar urmoqchiman va sovrinlarni qo‘lga kiritmoqchiman.
Hozir o‘zimni yaxshi his qilyapman. Faoliyatimni qachon tugatishni bilmayman”, dedi Messi.
