Venesuelaning "Suliya" klubi mushukka azob bergan va buning videosini tarqatgan ikki futbolchisi bilan shartnomasini bekor qildi, deya xabar beradi The Sun.
Internet tarmog‘ida tarqalgan videoda futbolchilar Eduin Kuero va David Barreto bir mushukka azob berganlari aks etgan. Keyinroq video o‘chirilgan, ammo klub surishtiruv ishlarini olib bordi va bu futbolchilarning shartnomalarini bekor qilishga qaror qildi.
Ularning qilmishlari hammaning oldida muhokama qilindi, jonivorlarga kuch qo‘llash yaxshi emasligi ta’kidlandi va ular ruhshunosga ko‘rinishlari maslahat berildi.
