Xabaringiz bor, 7 aprel kuni “Navbahor” Qarshining “Nasaf” klubini qabul qiladi. 2018 yildan e’tiboran har bir uchrashuvni katta bayram tantanalariga aylantirish borasida bir qator ishlarni amalga oshirilmoqda. Klub rahbariyati bu safar ham ishqibozlarimizga xush kayfiyat taqdim etish maqsadida, o‘yindan oldin konsert dasturini uyushtirishga qaror qilishdi.
Demak, “Navbahor” – “Nasaf” jamoalari o‘rtasidagi uchrashuvdan oldin xalqimiz ardog‘idagi san’atkorlar - Iskandar Hamroqulov, Rashodbek A’zamov, Shahlo Mahmudova va Namangan viloyatining taniqli estrada xonandalari muxlislar xizmatida bo‘lishadi. San’atkorlarning chiqishlaridan so‘ng soat 20.00da Superliga 5-turidan o‘rin olgan o‘yin boshlanadi. Barcha muxlislarni o‘yingohga chorlab qolamiz. Chiptalar, o‘yingoh kassalarida va shahardagi yirik bozorlarda tashkil etilgan ko‘chma do‘konlarda sotilmoqda.
“Navbahor” FK matbuot xizmati.
