Хабарингиз бор, 7 апрель куни “Навбаҳор” Қаршининг “Насаф” клубини қабул қилади. 2018 йилдан эътиборан ҳар бир учрашувни катта байрам тантаналарига айлантириш борасида бир қатор ишларни амалга оширилмоқда. Клуб раҳбарияти бу сафар ҳам ишқибозларимизга хуш кайфият тақдим этиш мақсадида, ўйиндан олдин концерт дастурини уюштиришга қарор қилишди.
Демак, “Навбаҳор” – “Насаф” жамоалари ўртасидаги учрашувдан олдин халқимиз ардоғидаги санъаткорлар - Искандар Ҳамроқулов, Рашодбек Аъзамов, Шаҳло Маҳмудова ва Наманган вилоятининг таниқли эстрада хонандалари мухлислар хизматида бўлишади. Санъаткорларнинг чиқишларидан сўнг соат 20.00да Суперлига 5-туридан ўрин олган ўйин бошланади. Барча мухлисларни ўйингоҳга чорлаб қоламиз. Чипталар, ўйингоҳ кассаларида ва шаҳардаги йирик бозорларда ташкил этилган кўчма дўконларда сотилмоқда.
“Навбаҳор” ФК матбуот хизмати.
