“Lokomotiv” Superliga 5-turi doirasida o‘z maydonida “Qo‘qon-1912” jamoasiga qarshi bahs olib boradi.

Mazkur o‘yin oldidan “temiryo‘lchilar” jamoasi a’zosi Igor Yelich klub rasmiy saytiga o‘z fikr va mulohazalarini bildirib o‘tdi:

“Qo‘qon-1912” jamoasiga qarshi o‘yinga jamoamiz jiddiy hozirlik olib bordi. Uchrashuvda barcha yigitlar o‘zlarining to‘liq salohiyatini namoyish etishga shay. To‘g‘ri, “Qo‘qon” bilan o‘yin oson kechmaydi. Zero “Lokomotiv”ga qarshi bellashuvga barcha jamoalar juda qattiq tayyorgarlik olib borishadi.

Lekin biz maydonga faqat 3 ochko va g‘alaba uchun chiqamiz. Maydonda o‘z o‘yinimizni namoyish etishga urinamiz. Sekin-asta butun jamoamiz yaxshi formaga kirib bormoqda. Ayniqsa, “Al Vahda” ustidan qozonilgan ajoyib g‘alaba barchamizga yaxshi kayfiyat va o‘zimizga ishonch taqdim etdi. Bu galgi o‘yinda ham g‘alaba qozonib, muxlislarimizni shod etishga harakat qilamiz", – dedi mahoratli futbolchi.

Ta’kidlab o‘tamiz, “Lokomotiv” – “Qo‘qon-1912” uchrashuvi soat 18:00da start oladi.