Misrlik Muhammad Nufal terma jamoasini jahon chempionatida qo‘llab-quvvatlash uchun Rossiya sari velosipedda yo‘lga chiqdi.

24 yoshli ashaddiy muxlis Rossiyaga sayohatini Misr poytaxti Qohiradagi Tahrir maydonidan boshladi.

U Moskvaga 65 kunda yetib olishni mo‘ljallagan. Muhammad Nufalning 5 ming kilometr masofani bosib o‘tishi kutilmoqda.

“Yangi joylar va yangi do‘stlarni orttirish uchun o‘zimga imkoniyat yaratmoqchiman. Agar musobaqani shunchaki ko‘rish uchun boradigan bo‘lganimda, albatta, Moskvaga samolyotda uchardim”, dedi Nufala.

Ma’lumot uchun, Misr terma jamoasi jahon chempionati guruh bosqichida Rossiya, Urugvay va Saudiya Arabiston bilan bahs olib boradi.