Superliga 6-turi doirasidagi «Bunyodkor» hamda «Metallurg» o‘rtasidagi uchrashuv o‘z poyoniga yetdi. Bahs mezbonlarning 3:1 hisobidagi g‘alabasi bilan yakunlandi.
Xabaringiz bo‘lsa kerak, mazkur turga qadar har ikki jamoa ham hali mag‘lubiyatga uchramagan edi. Bugungi bahsda esa Mirjalol Qosimov shogirdlari raqibdan har tomonlama ustun kelib, ishonchli g‘alabani qo‘lga kiritdi.
Birinchi bo‘limda darvozalar daxlsiz qolgandi. Ikkinchi bo‘limning 56-daqiqasida Shahzod Nurmatov hisobni ochdi, 67-daqiqada Sardor Sobirxo‘jayev jarima maydoni tashqarisidan zarba yo‘llab, oradagi farqni ikkitaga yetkazdi.
82-daqiqada mehmonlar penalti tepish imkoniyatini qo‘lga kiritishdi va nuqtaga yaqinlashgan Shahzod Shaymanov zarbada adashmadi. Ammo oradan ikki daqiqa o‘tar-o‘tmas, mezbonlar yetakchisi Javlon Ibrohimov uchinchi golni raqib darvozasiga yo‘llab qo‘ydi. Bu Javlonning ketma-ket 3-o‘yindagi goli bo‘ldi.
SUPERLIGA 6-TUR
«BUNYODKOR» – «METALLURG» 3:1 (0:0)
Gollar: Shahzodbek Nurmatov (56), Sardor Sobirxo‘jayev (67), Javlon Ibrohimov (85) – Shahzod Shaymanov (82-pen).
Bunyodkor: Suhrobjon Sultonov, Rustamjon Ashurmatov, Akramjon Komilov, Anvar G‘ofurov, Jovlon Ibrohimov, Shahzodbek Nurmatov (Filip Rayevas, 79), Murodjon Toshmatov, Sanjar Qodirqulov (Davronbek Umirov, 63), Sardor Sobirxo‘jayev, Mirg‘iyos Sulaymonov, Xurshid G‘iyosov (Farrux Ikromov, 87).
Metallurg: Zafar Safayev, Abbosjon Otaxonov, Shahzod Shaymanov (Zoxid Abdullayev, 86), Zabihillo O‘rinboyev, Islombek Isoqjonov (Zafar To‘rayev, 73), Jasur Hasanov, Sherzod Fayziyev, Akbarjon Ismatullayev, Muhammad Isayev (Suhrob Nurilloyev, 60), Abror Xusinov, Pavel Smolyachenko.
Ogohlantirishlar: Muhammad Isayev (37).
