«Istiqlol» hamda «Andijon» jamoalari o‘rtasidagi uchrashuvdan so‘ng andijonliklar bosh murabbiyi Eldor Sakayev o‘yin haqidagi fikrlari bilan o‘rtoqlashdi.
- Bugun qiyin o‘yin bo‘lishini bilardik. Chunki «Istiqlol» jiddiy raqib edi. Qolaversa, bu jamoani tajribali murabbiy boshqarmoqda. Lekin biz futbolchilarimizni faqat g‘alaba qozonish ruhida tayyorladik. Ayniqsa, tezkor urilgan gol ruhiyatimizni yanada ko‘tarib yubordi.
- Bizni qo‘llab-quvvatlash uchun Andijondan kelgan muxlislarga alohida minnatdorchiligimni bildiraman. Biz Andijon xalqi uchun, ularni xursand qilish uchun o‘ynayapmiz. Shuningdek, bizga ajoyib sharoitlarni yaratib berayotgani uchun Andijon viloyati hokimi Shuhratbek Qo‘shoqboyevich Abdurahmonovga ham o‘z minnatdorchiligimizni bildiramiz.
- Aytishim kerakki, dastlabki turda «Mash’al»ga qarshi o‘yinimizdan ko‘ra bu safargi bellashuv biz uchun og‘ir kechishi aniq edi. Shunga qaramay, futbolchilarimiz ajoyib o‘yin namoyish etishdi. Golli imkoniyatlardan samarali foydalana olganimiz tufayli ham hisob yirik ko‘rinish oldi.
«Andijon» matbuot xizmati.
