“Nasaf” jamoasi bugun Toshkentdan Birlashgan Arab Amirligining Dubay shahriga jo‘nab ketdi.
“Ajdarlar” bugunning o‘zida Toshkentdan Dubayga borishadi. Qarshiliklar Dubay shahridagi “Movenpisk Hotel Bur Dubay” mehmonxonasida istiqomat qilishadi.
O‘zingizga ma’lum, “Nasaf” 16 aprel dushanba kuni, OCHL-2018 “S” guruhi 6-tur doirasidagi uchrashuvni “Al Vasl” jamoasiga qarshi o‘tkazadi.
Uchrashuv Dubay shahridagi “Al Vasl” stadionida bo‘lib o‘tadi va Toshkent vaqti bilan soat 20:00da boshlanadi.
Dubayga jamoa 18 nafar futbolchi bilan bormoqda.
“Nasaf”ga oq yo‘l tilagan holda, bo‘lajak uchrashuvda omad va zafar tilab qolamiz.
