“Насаф” жамоаси бугун Тошкентдан Бирлашган Араб Амирлигининг Дубай шаҳрига жўнаб кетди.
“Аждарлар” бугуннинг ўзида Тошкентдан Дубайга боришади. Қаршиликлар Дубай шаҳридаги “Movenpiсk Hotel Bur Dubay” меҳмонхонасида истиқомат қилишади.
Ўзингизга маълум, “Насаф” 16 апрел душанба куни, ОЧЛ-2018 “С” гуруҳи 6-тур доирасидаги учрашувни “Ал Васл” жамоасига қарши ўтказади.
Учрашув Дубай шаҳридаги “Ал Васл” стадионида бўлиб ўтади ва Тошкент вақти билан соат 20:00да бошланади.
Дубайга жамоа 18 нафар футболчи билан бормоқда.
“Насаф”га оқ йўл тилаган ҳолда, бўлажак учрашувда омад ва зафар тилаб қоламиз.
