"Manchester Siti" bosh murabbiyi Xosep Gvardiola APLdagi chempionlik uchun kurash hali tugamaganligini ma’lum qildi.
"Hamma narsa bo‘lishi mumkin. Futbol - hayajonli o‘yin. Biz e’tiborimizni "Tottenhem"ni yutishga, keyin "Suonsi"ga qaratishimiz kerak. Noyabr va dekabrda biz chempion bo‘lgan edik. Ekspertlar hammasi hal bo‘lganini va "Siti" ochko yo‘qotmasligini aytishgan edi. Bir haftdada uchta mag‘lubiyatni tatib ko‘rdik.
Chempion bo‘lishimiz uchun ikkita g‘alab kerak va biz bunga erishamiz. Mavsum davomida biz bosimga duch keldik va uni yengib o‘tdik. Mavsum oxiridagi bosim bizning foydamizga ishlashi kerak. Agar buni uddalay olmasak, "MYU" chempion bo‘ladi va biz uni tabriklashdan boshqa ilojimiz qolmaydi.
Ishoning, shunday bo‘lishi ham mumkin "Real" ko‘p yillar avval qatorasiga olti marta mag‘lub bo‘lib chempionlikdan quruq qolgan edi. Shubhasiz, bu yana takrorlanishi mumkin. O‘inchilarim buni biladilar, ularga bu haqida eslatishimdan ma’ni yo‘q", - deydi Gvardiola.
