"Манчестер Сити" бош мураббийи Хосеп Гвардиола АПЛдаги чемпионлик учун кураш ҳали тугамаганлигини маълум қилди.
"Ҳамма нарса бўлиши мумкин. Футбол - ҳаяжонли ўйин. Биз эътиборимизни "Тоттенҳэм"ни ютишга, кейин "Суонси"га қаратишимиз керак. Ноябрь ва декабрда биз чемпион бўлган эдик. Экспертлар ҳаммаси ҳал бўлганини ва "Сити" очко йўқотмаслигини айтишган эди. Бир ҳафтдада учта мағлубиятни татиб кўрдик.
Чемпион бўлишимиз учун иккита ғалаб керак ва биз бунга эришамиз. Мавсум давомида биз босимга дуч келдик ва уни енгиб ўтдик. Мавсум охиридаги босим бизнинг фойдамизга ишлаши керак. Агар буни уддалай олмасак, "МЮ" чемпион бўлади ва биз уни табриклашдан бошқа иложимиз қолмайди.
Ишонинг, шундай бўлиши ҳам мумкин "Реал" кўп йиллар аввал қаторасига олти марта мағлуб бўлиб чемпионликдан қуруқ қолган эди. Шубҳасиз, бу яна такрорланиши мумкин. Ўинчиларим буни биладилар, уларга бу ҳақида эслатишимдан маъни йўқ", - дейди Гвардиола.
