Bugun, 15 aprel kuni Angliya chempionatining 34-turidan o‘rin olgan “Nyukasl” – “Arsenal” o‘yini bo‘lib o‘tdi.

Unda mehmon jamoa “Arsenal” “Nyukasl” tomonidan mag‘lub etildi.

2018 yilda Arsen Venger jamoasi APLning barcha safar o‘yinlari: “Bornmut” (1:2), “Suonsi” (1:3), “Tottenxem” (0:1), “Brayton” (1:2) va “Nyukasl” (1:2) dan mag‘lub bo‘ldi.

Gap shundaki, “Arsenal” 1984 yildan beri hali bunday yomon natijani qayd etmagan edi. Bundan tashqari, “Arsenal” APLning top-4 jamoalari orasida 2018 yil hali bitta ham ochko olmagan yagona jamoa hisoblanadi.