Dortmundning «Borussiya» klubi hujumchisi Mishi Batshuayi bundesliganing 30-turida «Shalke»ga qarshi kechgan o‘yinda (0:2) jarohat oldi.
O‘yin oxirida Benjamen Stambuli bilan to‘qnashuvdan keyin 24 yoshli belgiyalik futbolchi o‘rnidan ko‘tarila olmadi va uni zambilga solib maydondan olib ketishdi.
Shifoxonadagi ilk tekshiruvdan keyin, Batshuayi to‘piq suyaklari sinishidan qutulib qolgani ma’lum bo‘lgan, ammo u mavsumning qolgan o‘yinlarida, hatto 2018 yilgi jahon chempionatida ishtirok etishi ham so‘roq ostida qolgan.
Ayni vaqtda nemis klubida ijarada bo‘lgan, transfer huquqi «Chelsi»ga tegishli bo‘lgan bu futbolchi chuqur tekshiruvdan o‘tkaziladi, shundan so‘ng uning jarohatiga xulosa beriladi, futbolchi boldir suyagi bilan tovon suyagini biriktiruvchi bo‘g‘inni shikastlab olgan bo‘lishi mumkin.
«Ko‘rinishidan, u tezda safga qaytmaydi. Umid qilamanki, men xato gapirmoqdaman», – degan o‘yindan keyin «Borussiya» murabbiyi Peter Shteger.
Bundesligaga kelgach Batshuayi 10 o‘yinda maydonga tushdi va 7 gol urib, 1 golga pas berdi.
&description=Dortmundning%20%26amp%3Blaquo%3BBorussiya%26amp%3Braquo%3B%20klubi%20hujumchisi%20Mishi%20Batshuayi%20bundesliganing%2030-turida%20%26amp%3Blaquo%3BShalke%26amp%3Braquo%3Bga%20qarshi%20kechgan%20o%26amp%3Blsquo%3Byinda%20(0%3A2)%20jarohat%20oldi.&image=%2Fimages%2Fnews%2Fbat5.jpg&noparse=true){kind=link}