Bugun, 16 aprel kuni Osiyo chempionlar ligasida yurtimiz sharafini himoya qilayotgan "Nasaf" jamoasi guruh bosqichidagi so‘nggi uchrashuvda maydonga chiqadi.
Vakillarimiz bugun Birlashgan Arab Amirliklarida "Al Vasl" jamoasi mehmoni bo‘ladilar. Uchrashuv Toshkent vaqti bilan soat 20:00da boshlanadi.
OCHL-2018. “S” guruhi, 6-tur
“Al Vasl” (BAA) – “Nasaf” (O‘zbekiston)
16.04.2018. “Al Vasl” stadioni. 20:00
Bosh hakam: Amirul Izvan Yoqub (Malayziya)
Qanot hakamlari: Yusri Bin Muhammad (Malayziya), Azi Bin Zaynal (Malayziya)
Zaxira hakami: Juffri Bin Ali (Malayziya)
Ma’lumot uchun, qarshiliklar beshta uchrashuvdan so‘ng yetti ochko jamg‘argan holda guruhda uchinchi o‘rinni egallab turibdilar. "Al Vasl" bungacha umuman ochko ishlay olmagan.
Guruhda birinchi o‘rinni 12 ochko bilan Qatarning "Al Sadd" jamoasi band etgan. Ikkinchi pog‘onani esa 10 ochko to‘plagan Eronning "Persipolis" jamoasi egallab turibdi.
Bugungi uchrashuvlar natijasidan qat’iy nazar, "Al Sadd" va "Persipolis" klublari Chempionlar ligasining pley-off bosqichida kurashni davom ettirishadi. "Nasaf" esa musobaqani guruh bosqichida yakunlaydi.
