O‘zbekiston kubogi 1/16 finali doirasidagi “Andijon” – “Navbahor” uchrashuvidan keyingi matbuot anjumanining ikkinchi qismida “Navbahor” jamoasi sport direktori Anvar Soliyev ishtirok etdi.
Anvar Soliyev (“Navbahor” jamoasi sport direktori): - Avvalo bugungi g‘alaba bilan “Andijon” jamoasini tabriklayman. Mezbonlar kuchli ishtiyoq evaziga g‘alaba qozonishga muvaffaq bo‘lishdi. Bizning yigitlarda esa negadir bu narsa sezilmadi.
Barcha narsa ruhiyatga bog‘liq. Menimcha, jamoamiz futbolchilari uchrashuvdan oldin g‘alaba qozondik, deb o‘ylashdi. Lekin bu so‘zda emas, maydonda isbotlanishi kerak. Afsuski, buni amalda namoyish etish jamoamizga nasib etmadi.
Mag‘lubiyat uchun muxlislardan uzr so‘raymiz. Oldinda bizni “Bunyodkor” va “Paxtakor” klublariga qarshi kechadigan qiyin o‘yinlar kutib turibdi. Endi mazkur uchrashuvlarga tayyorgarlik ko‘rishni boshlaymiz.
