“Nasaf” Superliganing 7-tur uchrashuvini safarda “Qo‘qon-1912” jamoasiga qarshi o‘tkazadi.
Uchrashuv 21 aprel shanba kuni Qo‘qon shahridagi “Markaziy” stadionda soat 18:00da boshlanadi.
O‘zbekiston Superligasi-2018. 7-tur
“Qo‘qon-1912” (Qo‘qon) - “Nasaf” (Qarshi)
21.04.2018. Qo‘qon sh., “Markaziy” stadion. 18:00da
Bosh hakam: Zokir Qodirov (Navoiy)
Qanot hakamlari: Obid Jumayev (Navoiy), Ruslan Samandarov (Navoiy)
Zaxira hakami: Farux Yansupov (Toshkent).
Nazoratchi: Igor Nexochin (Toshkent)
Uchrashuv komissari: Baxtiyor Namozov
O‘zaro uchrashuvlar raqamlarda
Mazkur jamoalarning milliy chempionatimizdagi o‘zaro uchrashuvlari tarixiga nazar tashlasak, jamoalar bungacha 16 marta tuqnash kelishgan. Shundan 12ta uchrashuvda "Nasaf" g‘alaba qozongan. 4 uchrashuvda qo‘qonliklarning qo‘li baland kelgan. Eng qiziqarlisi "ajdarlar"ning o‘zaro uchrashuvlarida hanuzgacha durang natija qayd etilmagan.
To‘plar nisbati bo‘yicha ham ustunlik "Nasaf" tomonida 19-35.
Jamoalarning navbatdagi uchrashuvi 17-uchrashuv sifatida tarix sahifasidan joy oladi. Bu uchrashuv “Nasaf”ning milliy chempionatimizdagi 625-uchrashuvi hisoblanadi.
Qo‘qondagi o‘zaro uchrashuvlarga oid
Mazkur jamoalar shu paytgacha Qo‘qonda 8 uchrashuvda bahs yuritishgan. Bo‘lib o‘tgan uchrashuvlarning 4tasida “Qo‘qon-1912” jamoasi va yana 4tasida jamoamiz g‘alabaga erishgan. Qo‘qondagi o‘zaro uchrashuvlarda darvozalarga jami 24ta gol kiritilgan. To‘plar nisbati 14-10ni tashkil etmoqda. Ustunlik “Qo‘qon-1912” jamoasida.
Qo‘qondagi so‘nggi besh uchrashuv natijasi
04.03.2017 “Qo‘qon-1912” – “Nasaf” 1:2
26.08.2016 “Qo‘qon-1912” – “Nasaf” 1:2
16.08.2015 “Qo‘qon-1912” – “Nasaf” 1:3
18.08.2003 “Qo‘qon-1912” – “Nasaf” 3:0
09.06.2002 “Temiryo‘lchi” – “Nasaf” 3:0
O‘zaro uchrashuvlardagi yirik hisoblar
"Nasaf"ning o‘zaro uchrashuvlarda qozongan eng yirik g‘alabasi – 4:0ga teng. “Qo‘qon-1912”da bu ko‘rsatkich 3:0ga teng. Tarixda qolgan bu uchrashuvlar 2003 yili bo‘lib o‘tgan, “Nasaf” – “Temiryo‘lchi” 4:0 uchrashuvida jamoamizning o‘tmishdagi to‘purari – Zafar Xolmurodov xet-trik qayd etgan va Dilshod Mavlanov bir marta gol muallifi bo‘lgan. Ikkinchi davrada Qo‘qonda bo‘lgan uchrashuvda esa Shuhrat Rahmonqulov dublni nishonlagan, Shuhrat Yusupov esa qarshiliklar darvozasiga bitta to‘p yo‘llagan.
Jamoalar to‘purarlari
"Qo‘qon-1012" futbolchilari bu yilgi chempionatda 4ta gol urgan. Shulardan 2tasi Murod Xolmuhamedov hisobiga yozilgan bo‘lsa, yana 1tasini Suhrob Berdiyev kiritgan. “Navbahor” bilan bo‘lgan uchrashuvda, “Qo‘qon-1912” jamoasi foydasiga Tomislav Payovich o‘z darvozasini ishg‘ol qilib qo‘ygan.
“Nasaf”ning birdan uch nafar futbolchisi jamoa to‘rurarligiga davogar bo‘lib turibdi. Bular Azizjon G‘aniyev, Bobir Abduxoliqov va Slavko Lukichlardir. Ular shu paytgacha raqiblari darvozasiga 2tadan gol kiritishgan. “Nasaf” shu paytgacha raqiblari darvozasini 8 marta ishg‘ol qildi.
Sariq kartochkalar
“Qo‘qon-1912” futbolchilari bu yilgi bahslarda 9 marta ogohlantirish olishgan. Jamoamiz futbolchilariga hakamlar 10 marta sariq kartochka ko‘rsatishdi. “Qo‘qon-1912” jamoasida Marko Milich va Qo‘vondiq Ro‘ziyevlar 2 martadan sariq kartochka olishgan.
Uchrashuvlarning boshlanish vaqtlari
Eslatib o‘tamiz, “Qo‘qon-1912” – “Nasaf” jamoalari o‘rtasidagi navbatdagi uchrashuv 21 aprel shanba kuni Qo‘qon shahridagi “Markaziy” stadionda soat 18:00da boshlanadi.
Yoshlar o‘rtasidagi bahs esa, 20 aprel juma kuni soat 16:00da boshlanadi. Uchrashuv Uchko‘prik markaziy stadionida bo‘lib o‘tadi.
