FIFA prezidenti Janni Infantino tashkilot qaramog‘idagi ikki musobaqadagi o‘zgarishlar rejasini ma’lum qildi.
Infantino o‘z g‘oyasini barcha konfederasiyalarga yuborgan Unga ko‘ra, 2021 yildan Konfederasiya kubogi musobaqasi to‘xtatiladi, uning o‘rniga kengaytirilgan klublar o‘rtasida Jahon chempionati o‘tkaziladi.
Yangi musobaqa to‘rt yilda bir marta o‘tkaziladi va 18 kundan davom etadi. Unda 24 klub ishtirok etadi (3 amoadan 8ta guruh).
Bu o‘zgarishlarga har yili o‘tkazib kelinayotgan klublar o‘rtasida jahon chempionatining moliyaviy, sport nuqtai nazaridan o‘zini oqlamasligi sabab bo‘lmoqda. Bir guruh xususiy investorlar 2021 yildan 2033 yilgacha FIFAning yangi musobaqasiga 25 milliard dollar sarflaydilar.
UYEFA va KONKAKAF Millatlar kubogi musobaqasini o‘tkazishni realashtirganlariga qramay, FIFA bu musobaqaning qo‘llab-quvvatlanishiga umid qilmoqda.
Shu tariqa, 2017 yilda Rossiyada o‘tkazilgan Konfederasiyalar kubogi tarixda eng oxirgisi bo‘lib qoladi.
