“Barselona” klubi “Sevilya” himoyachisi Kleman Langlening transferini tezlashtirdi.

“Sport.es” nashriga ko‘ra, Langlega “Liverpul”ning ham qiziqayotgani “Barselona”ni ildamroq harakat qilishga undagan. Ispan grandi allaqachon futbolchining transferi borasida uning agenti bilan muzokaralarni boshlagan. Ma’lumotlarga ko‘ra, 22 yoshli himoyachi yozda “Barselona”ga o‘tishga tayyor.

Ma’lumot uchun, Langlening shartnomasida uni 45 mln yevroga sotish borasida band bor. Ya’ni “Barselona” futbolchi uchun shuncha mablag‘ taklif qilsa va Langlening o‘zi ham Kataloniyaga ko‘chib o‘tishni istasa, “Sevilya” qarshilik qila olmaydi.