Yaqinda faoliyatini tugatgan braziliyalik darvozabon Julio Sezar o‘tmishda Joze Mourinyo uni qanday qilib ruhlantirganini aytdi.
"Mourinyo bilan munosabatlarim birinchi yili ikkinchisiga qaraganda a’lo edi. Men o‘yinlarga xato qilib qo‘yishdan qo‘rqib tushardim. Joze mashg‘ulotlarning birida oldimga kelib dedi: "Sen dunyoda eng yaxshi darvozabonsan, ammo bugun S seriya darvozaboniga o‘xshading".
Bir vaqt Mourinyo mening sariq futbolkada o‘ynashimni istadi. Bizda darvozabonlar uchun oq, qora va kulrang futbolkalar bor edi. U menga sariq rangli mashg‘ulot futbolkasini berdi, men bu futbolkada o‘ynamayman, dedim. Mourinyo esa mening to‘pdan qo‘rqishimni aytib kula boshladi. Oqibatda sariq futbolka kiyishga rozi bo‘ldim", - deydi Sezar.
