Superliganing 7-tur doirasidagi 2-kunning so‘nggi o‘yini yakunlandi. O‘z maydonida “Neftchi” jamoasini qabul qilgan “Qizilqum” jamoasi uchrashuvning boshidayoq Giorgi Kvesiyeshvili tomonidan kiritilgan yagona gol tufayli mavsumdagi ikkinchi g‘alabasini nishonladi.
Bu o‘yindan ikki soat oldin start olgan “Navbahor” – “Bunyodkor” jamoalari o‘rtasidagi bahs ham keskin va shiddatligi bo‘yicha boshqalardan ajralib turdi. Bu o‘yinda ham kechagi “Buxoro” – AGMK kabi, maydon egalari yutqazib turib, yakunda irodalari mustahkam ekanligini isbotladilar – ikkinchi bo‘limda raqiblar darvozasini ikki bor nishonga olib, g‘alaba qozondilar.
E’tiborli jihati, har ikkala o‘yinda ham mezbonlar muvaffaqiyatga erishib, muxlislarini xursand etishdi. Biroq, uchrashuvning hisobidan qat’iy nazar har ikkala shahar stadionlarida klub mutasaddilari muxlislarga shu qadar sharoit yaratib berishdiki, bunachasi o‘zbek futboli tarixida hali yuz bermagandi.
Aytaylik, Namanganning “Markaziy” stadionini to‘ldirib o‘tirishi ko‘zda tutilgan tomoshabinlarning deyarli bariga klub ramzlari tushirilgan futbolkalarni sovg‘a tariqasida taqdim etdi. Bundan tashqari, stadionda muxlislarning yengil tamaddi qilishlari, sport do‘konidan klubga tegishli bo‘lgan sport kiyimlari, anjomlari harid qilish uchun sharoitlar yaratib berdi.
Navoiyda esa “Yoshlik” sport majmuasi shu bugun chinakam bayram tusini oldi. Klub tashabbusi va tadbirkorlarning sa’y-harakatlari bilan stadion atrofida katta-kichik yoshdagi tomoshabinlarning madaniy dam olishlari uchun ko‘ngilochar tadbirlar tashkil etildi. Bularning bari kelgusida ham yanada muxlislarning stadionlarga tashrifi ortib borishi yo‘lida qilinayotgan amaliy ish ekanligi ayon...
7-tur
“NAVBAHOR” – “BUNYODKOR” - 2:1 (0:1)
20 aprel Namangan shahri. “Markaziy” stadion. 21600 tomoshabin.
Hakamlar: Ravshan Ermatov (Toshkent), Abduhamidullo Rasulov (Toshkent), Jahongir Saidov (Toshkent).
"Navbahor": Botirali Ergashev, Oston O‘runov, Ayubxon No‘’monov (Sardor Sulaymonov, 57), Azizbek Turg‘unboyev, Nenad Inyas (Behruz Sa’dilloyev, 89), Mirzohid G‘ofurov, A’zamjon Aliyev, Davronbek Hoshimov, Jahongir Mehmonov, Tomislav Payovich (Zohir Pirimov, 46), Darko Stanoyevich.
"Bunyodkor": Suhrobjon Sultonov, Rustam Ashurmatov (Islom Qobilov, 41), Akrom Komilov, Anvar G‘ofurov, Javlon Ibrohimov, Shahzodbek Nurmatov (Filip Rayevas, 78), Murodjon Toshmatov, Sardor Sobirxo‘jayev, Mirg‘iyos Sulaymonov, Xurshid G‘iyosov, Mirjamol Qosimov (Davron Umirov, 64),
Gollar: N.Inyas (58) – J.Mehmonov (90+4).
Ogohlantirishlar: O.O‘runov (48), N.Inyas (59), M.G‘ofurov (63), J.Mehmonov (79) - A.Komilov (33), M.Sulaymonov (70), F.Rayevas (90+4), A.G‘ofurov (o‘yindan so‘ng).
Nazoratchi – Marat Ismoilov (Toshkent).
Komissar – Ma’mur Saidqosimov.
“QIZILQUM” – “NEFTCHI” - 1:0 (1:0).
20 aprel. Navoiy shahri. “Yoshlar” sport majmuasi o‘yingohi. 11450 tomoshabin.
Hakamlar: Sherzod Qosimov (Toshkent), Andrey Snetkov (YAngiyo‘l), Sultonmurod Ulfatov (Toshkent vil.).
“Qizilqum”: Evegeniy Cheremisin, Erkin Boydullayev, Giorgi Kvesiyeshvili, Alisher Sanoyev (Mirjalol Qosimov, 59), Doniyor Usmonov (Elguja Grigalashvili, 79), Fayzulla Qambarov, Artur Gevorkyan, Muhsin Ubaydullayev, Sherali Jo‘rayev, Andrey Sidorov (Samandar Shodmonov, 46), Nemanya Yovanovich.
“Neftchi”: Abdumavlon Abdujalilov, Shukurali Po‘latov, Sunnatilla Ermatov, Abbosbek Maxstaliyev, Abdul Aziz Yusupov (Anvar Berdiyev, 78), Abrorbek Ismoilov, Avazbek O‘lmasaliyev, Husniddin G‘ofurov, Abdujamol Isroilov, Abdurahmon Abdulhaqov (Murodbek Bobojonov, 61), Avaz Agaliyev.
Gol: G.Kvesiyeshvili (5).
Ogohlantirishlar: M.Ubaydullayev (10), A.Sidorov (41) – A.Abdulhaqov (18), SH.Po‘latov (25), H.G‘ofurov (90+2).
Nazoratchi - Oleg Dachev.
Komissar - Aleksey Frolov.
