Superliganing 7-turidan o‘rin olgan “Qizilqum”- “Neftchi” (1:0) uchrashuvidan keyingi matbuot anjumanida dastlab mehmonlar murabbiyi Abdumalik Hakimov va jamoa sardori Shukurali Po‘latov ishtirok etishdi.

- Avvalambor “Qizilqum” jamoasini bugungi g‘alaba bilan tabriklayman. Oldindan aytib o‘tmoqchi edim, jamoamiz bosh murabbiyi Bahromjon Haydarov betobligi uchun bugungi o‘yinda ishtirok eta olmadi.

Navoiyga g‘alaba uchun kelgandik.  Raqibni har taraflama o‘rgangan edik. Bitta xatoimiz bizga qimmatga tushdi. O‘yin borasida mezbonlarga yutqazdik, deb o‘ylamayman, -deya o‘z fikrlarini bildirib o‘tdi “Neftchi” murabbiyi.

Shukurali Po‘latov: -Murabbiyimiz ta’kidlaganidek, o‘yin boshida o‘sha standart vaziyatda birozgina e’tiborsizligimiz bizga qimmatga tushdi. Shuning evaziga gol o‘tkazib yubordik. Qo‘ldan kelganicha vaziyatni o‘nglashga urindik. Ammo buning uddasidan chiqa olmadik. Afsuski, mag‘lub bo‘ldik. Endi keyingi bellashuvga hozirlik ko‘ramiz.