Rossiyaning “Iskra” klubi “Los-Anjeles Gelaksi” hujumchisi Zlatan Ibragimovichni sotib olish uchun aksiya o‘tkazmoqda. Aksiyaning birinchi kunida 1774 rubl yig‘ildi.

“Agar shu tarzda davom etsak, bir oyda 53220 rubl, bir yilda esa 647510 rubl yig‘amiz. Zlatanning narxi 5 mln yevroga teng. Demak, biz Ibragimovichni 540 yildan keyin sotib olishimiz mumkin. Bu dunyoda hamma narsa bo‘lishi mumkin”, deb yozdi klubning e’loniga munosabat bildirgan muxlislaridan biri.

Ma’lumot uchun, “Iskra” Rossiyaning havaskorlar ligasida ishtirok etadi.