Россиянинг “Искра” клуби “Лос-Анжелес Гэлакси” ҳужумчиси Златан Ибрагимовични сотиб олиш учун акция ўтказмоқда. Акциянинг биринчи кунида 1774 рубль йиғилди.
“Агар шу тарзда давом этсак, бир ойда 53220 рубль, бир йилда эса 647510 рубль йиғамиз. Златаннинг нархи 5 млн еврога тенг. Демак, биз Ибрагимовични 540 йилдан кейин сотиб олишимиз мумкин. Бу дунёда ҳамма нарса бўлиши мумкин”, деб ёзди клубнинг эълонига муносабат билдирган мухлисларидан бири.
Маълумот учун, “Искра” Россиянинг ҳаваскорлар лигасида иштирок этади.