Turning markaziy o‘yinlardan biri sifatida e’tirof etilgan mazkur uchrashuvga bo‘lgan qiziqish juda yuqori edi.
“Nasaf” shu kunga qadar mag‘lubiyatga uchramagan yagona jamoa bo‘lib kelayotgan bo‘lsa, “Qo‘qon-1912” o‘z maydonidagi birinchi o‘yinda g‘alaba qozongandi. O‘yindan oldin “Markaziy” stadioniga yig‘ilgan muxlislar uchun konsert dasturi taqdim etildi. Xalqimizning sevimli xonandalari - Ulug‘bek Rahmatullayev va Shahzoda muxlislarni o‘zlarining qo‘shiqlari bilan xursand etishdi.
Uchrashuv mezbonlarning faolligi bilan boshlandi. 11-daqiqada jarima zarbasiga ega bo‘lgan, “Qo‘qon-1912”da gol urish uchun qulay imkoniyat bo‘lgan edi. “Nasaf” himoyachisi epchillik qilgan holda xavfni bartaraf etdi.
14-daqiqada qanotdan oshirib bergan to‘pni Suhrob Berdiyev boshi bilan darvozaga yo‘lladi. Zarabaga biroz aniqlik yetishmadi.
21-daqiqada Berdiyevning chalqancha uslubda bergan zarbasi muxlislarning olqishlariga sazovor bo‘ldi. Biroq zarbaga aniqlik yetishmadi. Birinchi bo‘limning qolgan daqiqalarida har ikki jamoa vakillari bir qator vaziyatlarga ega bo‘lishdi. Ammo o‘yinning birinchi qismida darvozalar daxlsizligi saqlanib qolindi.
Ikkinchi taym teng kurashlar ostida boshlandi. Dastlabki daqiqalardan mehmonlar tashabbusni o‘z qo‘llariga olishga harakat qilishdi. Vaqt o‘tishi bilan esa ustunlik sekin-asta yana “Qo‘qon-1912” tomoniga o‘ta boshladi. Ana shunday hujumlarning birida Quvondiq Ro‘ziyevning zarbasi biroz noaniq bo‘ldi.
72-daqiqada hujumlarni keskinlantirish maqsadida Nosir Otaqo‘ziyev maydonga tushirildi. Shundan keyin mezbonlarning hujumlari shiddatli ko‘rinish ola boshladi. Ammo hujumlarning yakuni samarasiz yakunlanaverdi.
85-daqiqada Darko Gojkovich jarohat olib maydonni tark etdi. 87-daqiqada mehmonlar hisobni ochishlari mumkin edi. Yusupovning qo‘liga tekkan to‘p darvoza ustuniga tegib maydonga qaytdi.
Shu tariqa, Qo‘qondagi o‘yinda nursiz durang qayd etildi. “Qo‘qon-1912”ning to‘plagan ochkosi esa 9 taga yetdi. “Nasaf”ning ochkolari bugungi durangdan so‘ng 13 taga yetdi va 4-o‘rinni saqlab qoldi.
Superliga, 7-tur.
“Qo‘qon-1912” – “Nasaf” 0:0.
“Qo‘qon-1912”: 1. O‘tkir Yusupov, 5. G‘iyos Komilov, 7. Jamshid Hasanov (96. Muhammadanas Hasanov-82), 10. Javohir Sidiqov, 17. Quvondiq Ro‘ziyev, 18. Bahodir Pardayev (9. Nosir Otaqo‘ziyev-72), 19.Suhrob Berdiyev, 22. Murod Xolmuhammedov, 23. Aleksandr Merzlyakov, 55. Darko Gojkovich (95. Milan Spremo-86), 65. Marko Milich.
“Nasaf”: 35. Sanjar Quvvatov, 4. Maqsud Karimov, 6. Aziz G‘aniyev, 7. Odil Hamrobekov, 10. Bobur Abduxoliqov, 22. Igor Golban, 27. Islom Rashidxonov (20. Islom Kenjaboyev-78), 31. Saydullo Rahmatov, 55. Slavko Lukich, 77. Jasur Hasanov, 92. Umar Eshmurodov.
