“Manchester Yunayted” klubi bosh murabbiyi  Joze Mourinyo “Tottenxem”ga qarshi o‘yindan so‘ng tanqidlar haqida so‘z ochdi.

“Bugungi g‘alabaga loyiq edik. Agar o‘yinni qismlarga bo‘lsak, biz barchasida yaxshi harakatlandik deya olaman. Hatto, raqib hisobda oldinda borayotgan bo‘lishimizga qaramay, to‘pni nazorat qilgan bo‘lsada, biz o‘yinni to‘liq ustunlikda o‘tkazdik.

0:1 hisobida biroz o‘zimizni yo‘qotib qo‘ydik. Tanaffusda futbolchilar bilan gaplashib oldim va ikkinchi bo‘limni boshqacha o‘tkazishn kelishdik. Yakunda rejamiz amalga oshdi.

Bizni ko‘p tanqid qilishlari sababini o‘zimizdan so‘rashimiz kerak. Yana olti ochko olib, mavsumni ikkinchi o‘rinda yakunlashimiz mumkin. Bu klub uchun yaxshi natija bo‘ladi, chunki APLdagi boshqa jamoalar juda ham kuchli hisoblanishadi. “MYU” bir necha yillardan beri bunday natijani qayd etmagan.

Shuningdek, bu final uch yildagi to‘rtinchisi, demak, bizni tanqid qilishni endi to‘xtatarsizlar”, – deydi Mourino.