Italiya chempionatining kecha bo‘lib o‘tgan "Yuventus" va "Napoli" o‘rtasidagi bahsda neapolliklar g‘alaba qozonishganidan keyin A seriyada chempionlik uchun intriga kuchayib ketdi. Endi turinliklar raqibdan bor-yo‘g‘i 1 ochko oldinda borishmoqda, xolos.
Mavsum yakunlanishiga 4ta tur qoldi. Qolgan turlarda bu jamoalarning raqiblar qaysi klublar bo‘lishini ko‘rib chiqsak, Italiyada chempion bo‘lish uchun kimning imkoniyati yuqori ekani haqida tasavvurga ega bo‘lamiz.
Keyingi turlarda "keksa sinyora"ni "Inter" va "Roma"ga qarshi qiyin o‘yinlar kutib turibdi. "Yuve" bu jamoalarga qarshi o‘yinlarni safarda o‘tkazadi.
Maurisio Sarri shogirdlari esa jadvalda 8 va 9-o‘rinni egallab turgan "Fiorentina" va "Sampdoriya"ga qarshi bahs olib borishadi.
"NAPOLI"
35-tur. 29.4.2018. Fiorentina - Napoli
36-tur. 6.5.2018. Napoli - Torino
37-tur. 13.5.2018. Sampdoriya - Napoli
38-tur. 20.5.2018. Napoli - Krotone
"YUVENTUS"
35-tur. 28.4.2018. Inter - Yuventus
36-tur. 6.5.2018. Yuventus - Bolonya
37-tur. 13.5.2018. Roma - Yuventus
38-tur. 20.5.2018. Yuventus - Verona
