“Liverpul” klubi yarim himoyachisi Muhammad Saloh sobiq jamoasi “Roma”ga qarshi o‘yinning birinchi bo‘limida 2 ta gol urdi.
Gap shundaki, misrlik futbolchi 2018 yil barcha musobaqalardagi 19 o‘yinda 21 ta gol urdi. Shuningdek, u so‘nggi 15 yilda APL klublarida o‘ynaydigan futbolchilar orasida YECHL musobaqasida 9 ta yoki undan ko‘proq gol urgan ilk futbolchiga aylandi.
Bunday natijani 2002/2003 yil mavsumida “Manchester Yunayted” futbolchisi Rud van Nistelroy qayd etgandi.
Bundan tashqari, “Liverpul” futbolchilari shu kungacha YECHLning bir mavsumida 10 ta gol ura olishmagandi. Saloh esa bu ishni ham uddaladi.
