“Ливерпуль” клуби ярим ҳимоячиси Муҳаммад Салоҳ собиқ жамоаси “Рома”га қарши ўйиннинг биринчи бўлимида 2 та гол урди.

Гап шундаки, мисрлик футболчи 2018 йил барча мусобақалардаги 19 ўйинда 21 та гол урди. Шунингдек, у сўнгги 15 йилда АПЛ клубларида ўйнайдиган футболчилар орасида ЕЧЛ мусобақасида 9 та ёки ундан кўпроқ гол урган илк футболчига айланди.

Бундай натижани 2002/2003 йил мавсумида “Манчестер Юнайтед” футболчиси Руд ван Нистелрой қайд этганди.

Бундан ташқари, “Ливерпуль” футболчилари шу кунгача ЕЧЛнинг бир мавсумида 10 та гол ура олишмаганди. Салоҳ эса бу ишни ҳам уддалади.