Superliga 8-turi doirasidagi «Paxtakor» hamda «Navbahor» o‘rtasidagi uchrashuv o‘z poyoniga yetdi.
Uchrashuv kutilganidek qiziqarli ssenari ostida kechdi. Startda namanganliklar ancha faol bo‘ldi va ketma-ket hujumlar uyushtirib bir-qator vaziyatga ega bo‘lishdi, ammo gol urish nasib etmadi.
Keyinchalik mezbonlar sekin-asta o‘yin tizginini o‘z qo‘llariga olib, hujumlar sonini oshirishdi. Mehmonlar esa keyingi daqiqalarni asosan himoyaga e’tiborni qaratib, qarshi hujumlarda o‘ynashdi.
Biroq jamoalar har qancha urinishmasin uchrashuvning birinchi bo‘limida darvozalar daxlsiz qoldi.
Ikkinchi bo‘limni ham «Navbahor» hujumkor tarzda boshladi Namangandan tashrif buyurgan taxminan 2000ga yaqin muxlislar suyuklilarini safar bellashuvida ham yolg‘iz qoldirishmadi.
Keyingi daqiqalar esa jamoalarning galma-galdan uyutirilgan hujumlari ostida o‘tdi. To‘p nazorati bo‘yicha esa «Paxtakor» biroz ustunlikni qo‘lga oldi.
Nihoyat, 77-daqiqaga kelib hisob ochildi. Bu vaziyatda Jaloliddin Masharipov qanotdan yorib kirgan holda to‘pni Tiago Bezerraga yetkazdi. Braziliyalik futbolchi esa yaqin masofadan darvozani ishg‘ol qilib, hisobni ochdi.
Mazkur goldan so‘ng namanganliklar tarkibida bir-nechta o‘zgarishlar bo‘ldi va hisobni tenglashtirish uchun ko‘p harakat qilishdi ammo so‘nggi pallalarda hujumni yakunlay oladigan futbolchi topilmadi.
1:0 «sherlar» qiyin bahsda o‘z hisobidagi ochkolari sonini 3taga oshirib olishdi.
SUPERLIGA. 8-TUR
«PAXTAKOR» – «NAVBAHOR» – 1:0 (0:0)
Hakamlar: SH.Qosimov (Toshkent), X.SHodmonov (Toshkent), A.Burov (Buxoro), F.YAnsupov (Toshkent).
Nazoratchi – S.Zaylobiddinov (Farg‘ona).
Komissar – R.CHernikov.
Gol: Tiago Bezerra 77, - 1:0 (Jaloliddin Masharipov)
«Paxtakor»: Eldor Suyunov, Vladimir Kozak, Marko Simich, Sherzod A’zamov, Akmal Shorahmedov, Azim Ahmedov (Rostin Griffits, 90+2), Dilshod Rahmatullayev, Jaloliddin Masharipov (Jasur Yaxshiboyev, 82), Bahrom Abdurahimov, Tiago Bezerra, Ismoil Gonsalvesh.
«Navbahor»: Akbar To‘rayev, Oston O‘runov (Dilshod Jabborov, 81), Azizbek Turg‘unboyev, Zohir Pirimov (Behruz Sadilloyev, 80), Azamat Allaniyozov (Sardor Sulaymonov, 64), Mirzohid G‘ofurov, A’zamjon Aliyev, Davronbek Hoshimov, Jahongir Mehmonov, Tomislav Payovich, Darko Stanoyevich.
Ogohlantirishlar: Jaloliddin Masharipov (72), Bahrom Abdurahimov (87), Marko Simich (90) – Tomislav Payovich (72), Jahongir Mehmonov (74), Dilshod Jabborov (81), Mirzohid G‘ofurov 86).
