"Paxtakor" bosh murabbiyi Shota Arveladze "Navbahor" bilan uchrashuv xususida fikrlarini bildirdi.
- Qiziqarli o‘yin guvohi bo‘ldik. Stadionga kelgan muxlislar ham aslo zerikib qolishmadi. O‘ylashimcha, bugungi shiddatli uchrashuv barchaga manzur keldi. Hammani maqtay olaman.
Raqibni sinchiklab o‘rganib chiqqandik. Ularning o‘yin uslubini o‘zlashtirib, shunga qarab tayyorlandik. Ikkinchi bo‘limda ular birgina to‘p oshirmadan boshqa hech narsasi bilan yodimda qolmadi. Birinchi bo‘limda Suyunov jamoani qutqardi.
Juda ham muhim g‘alabani qo‘lga kiritdik. Griffitsda kichik jarohat bor edi. Shu boisdan ham oxirgi uchrashuvlarda maydonga tushmayotgan edi. Jamoadagi raqobat hech qaysi futbolchiga asosiy tarkibga kirishiga kafolat bermaydi.
Har ikki jamoani ishqibozlar ajoyib qo‘llab-quvvatlashdi. Jamoam va raqib muxlislariga minnatdorchilik bildiraman.