Urganchda og‘ir atletika bo‘yicha Osiyo chempionati davom etmoqda.
Bir necha daqiqa oldin qizlar o‘rtasidagi bellashuvlarda -63kg vazn toifasida yurtimiz sharafini himoya qilgan Kumushxon Fayzullayeva Osiyo chempionatining oltin medalini qo‘lga kiritishga muvaffaq bo‘ldi.
Sportchimiz dast ko‘tarishda 95 kg., siltab ko‘tarishda esa 122 kg. toshni o‘ziga bo‘ysundira oldi. Ikkikurash yakunlariga ko‘ra hamyurtimiz 217 kg. natija qayd etdi va oltin medal sohibasiga aylandi.
Eslatib o‘tamiz, bungacha og‘ir atletikachilarimiz Urganchdagi Osiyo chempionatida 1ta oltin, 2ta kumush medalini qo‘lga kiritgandilar. Kumushxonning ushbu medali terma jamoamiz uchun to‘rtinchisi bo‘ldi.
