Ertaga Superliga 9-tur uchrashuvlari start oladi. Turning markaziy o‘yinida O‘zbekistonning amaldagi chempioni – "Lokomotiv" poytaxtimizning yana bir klubi – "Paxtakor"ga qarshi bahs yuritadi.

Bugun mazkur o‘yin oldidan har ikki jamoa rasmiylari ishtirokida yig‘ilish bo‘lib o‘tdi.  O‘yin komissari Ma’mur Saidqosimov rahbarligida o‘tgan yig‘ilshda uchrashuvning tashkiliy masalalari muhokama qilindi.  Shuningdek,  jamoalar o‘yinni qanday libosda o‘tkazishlari masalasi hal etildi.

Unga ko‘ra, "Lokomotiv" o‘yinni an’anaviy qizil-yashil-yashil libosda o‘tkazadi. Jamoamiz darvozaboni to‘liq qora rangdagi formada maydonga chiqadi.  Mehmonlar esa sariq rangli formada o‘ynashadi.  Raqib posboni yashil libosda o‘z darvozasini qo‘riqlaydi. 

Ta’kidlab o‘tamiz, "Lokomotiv" - "Paxtakor" uchrashuvi ertaga "Bunyodkor" stadionida bo‘lib o‘tadi. Bahs soat 20:00da start oladi.  O‘yin Sport telekanali orqali jonli efirda ko‘rsatiladi.