Rossiya chempionatining 28-turi doirasida "Rostov" klubi o‘z maydonida "Tosno"ni qabul qildi. O‘zbekistonlik futbolchi Eldor Shomurodov rostovliklar safidagi dastlabki gollarini urishga muvaffaq bo‘ldi.

Bahsning 68 va 72-daqiqalarida hamyurtimiz raqib darvozasini 2 marta ishg‘ol qildi. Dastlab burchak to‘pi o‘yinga kiritilganidan keyin Shomurodov bosh bilan to‘pni darvozaga yo‘llagan bo‘lsa, oradan 4 daqiqa o‘tib chap qanotdan yetkazilgan uzatmani Eldor yaqin masofadan darvozaga joylab qo‘ydi.

Ushbu g‘alabadan keyin "Rostov" o‘z ochkolarini 34taga yetkazib, jadvalda 11-o‘ringa ko‘tarilib oldi.

Rossiya Premyer-ligasi, 28-tur
Rostov – Tosno 2:0 (0:0, 2:0)
Gollar: 1:0 – 67 Shomurodov, 2:0 – 72 Shomurodov.
Rostov – Abayev, Ingason, Sigurdsson, Vilyush, Skopinsev (Zuyev, 66), Ionov (Makeev, 79), Kalachev, Gaskan, Guliyev (YUsupov, 69), Parshivlyuk, Shomurodov.
Tosno – Yurchenko, Buyvolov, Dugalich, Miyushkovich, Makarov, Galiulin, Jigulev, Nunu Rosha, Paliyenko (Rikardinyo, 74), Poletanovich (Karniskiy, 81), Truyich (Skvorsov, 69).
Ogohlantirish: Makarov (2), Galiulin (35), Guliyev (55), Vilyush (63), Dugalich (68).
Chetlatish: Makarov (26).