Россия чемпионатининг 28-тури доирасида "Ростов" клуби ўз майдонида "Тосно"ни қабул қилди. Ўзбекистонлик футболчи Элдор Шомуродов ростовликлар сафидаги дастлабки голларини уришга муваффақ бўлди.

Баҳснинг 68 ва 72-дақиқаларида ҳамюртимиз рақиб дарвозасини 2 марта ишғол қилди. Дастлаб бурчак тўпи ўйинга киритилганидан кейин Шомуродов бош билан тўпни дарвозага йўллаган бўлса, орадан 4 дақиқа ўтиб чап қанотдан етказилган узатмани Элдор яқин масофадан дарвозага жойлаб қўйди.

Ушбу ғалабадан кейин "Ростов" ўз очколарини 34тага етказиб, жадвалда 11-ўринга кўтарилиб олди.

Россия Премьер-лигаси, 28-тур
Ростов – Тосно 2:0 (0:0, 2:0)
Голлар: 1:0 – 67 Шомуродов, 2:0 – 72 Шомуродов.
Ростов – Абаев, Ингасон, Сигурдссон, Вилюш, Скопинцев (Зуев, 66), Ионов (Макеев, 79), Калачев, Гацкан, Гулиев (Юсупов, 69), Паршивлюк, Шомуродов.
Тосно – Юрченко, Буйволов, Дугалич, Миюшкович, Макаров, Галиулин, Жигулев, Нуну Роша, Палиенко (Рикардиньо, 74), Полетанович (Карницкий, 81), Труйич (Скворцов, 69).
Огоҳлантириш: Макаров (2), Галиулин (35), Гулиев (55), Вилюш (63), Дугалич (68).
Четлатиш: Макаров (26).