«Rostov» hujumchisi Eldor Shomurodov Rossiya chempionatining 28-turi doirasida bo‘lib o‘tgan «Tosno»ga qarshi o‘yinda (2:0) ikkita gol muallifiga aylandi. Uchrashuvdan keyin u klub matbuot xizmatiga o‘z fikrlari bilan o‘rtoqlashdi.

— Bunday maydonda gol urish yoqimli, ikkita gol urish esa — bu super! Stadionda fantastik muhim hukm surdi. Bunday qo‘llab-quvvatlash uchun muxlislarga rahmat!

— Birinchi goldan keyin jamoadoshlaringiz sizni o‘rab olishdi. Ular sizga nima deyishdi?

— Ochig‘ini aytsam, yigitlar bu golni kutishayotgandi. Nimalar deyishganini anglay olmadim. Nazarimda, bu shunchaki ehtiroslar edi. Bu gol menga ham, jamoaga ham kerak edi. Boisi, qo‘lga kiritilajak 3 ochko jadvaldagi holatimizni yaxshilashda yordam berardi.

— Bugungi gollardan keyin o‘zingizni yengil his qilyapsizmi?

— Albatta! Bungacha ham menda gol urish uchun imkoniyatlar bo‘layotgandi, ikki marta to‘sin va ustunlarni nishonga olgandim. Bosimni his qilayotgandim, endi esa yengilroq bo‘ladi, deb o‘ylayman.

— Boshlang‘ich tarkibda menga joy bergan murabbiyga, o‘yin uchun jamoadoshlarimga va qo‘llab-quvvatlash uchun muxlislarga minnatdorchilik bildiraman, — dedi Eldor Shomurodov.