«Ростов» ҳужумчиси Элдор Шомуродов Россия чемпионатининг 28-тури доирасида бўлиб ўтган «Тосно»га қарши ўйинда (2:0) иккита гол муаллифига айланди. Учрашувдан кейин у клуб матбуот хизматига ўз фикрлари билан ўртоқлашди.

— Бундай майдонда гол уриш ёқимли, иккита гол уриш эса — бу супер! Стадионда фантастик муҳим ҳукм сурди. Бундай қўллаб-қувватлаш учун мухлисларга раҳмат!

— Биринчи голдан кейин жамоадошларингиз сизни ўраб олишди. Улар сизга нима дейишди?

— Очиғини айтсам, йигитлар бу голни кутишаётганди. Нималар дейишганини англай олмадим. Назаримда, бу шунчаки эҳтирослар эди. Бу гол менга ҳам, жамоага ҳам керак эди. Боиси, қўлга киритилажак 3 очко жадвалдаги ҳолатимизни яхшилашда ёрдам берарди.

— Бугунги голлардан кейин ўзингизни енгил ҳис қиляпсизми?

— Албатта! Бунгача ҳам менда гол уриш учун имкониятлар бўлаётганди, икки марта тўсин ва устунларни нишонга олгандим. Босимни ҳис қилаётгандим, энди эса енгилроқ бўлади, деб ўйлайман.

— Бошланғич таркибда менга жой берган мураббийга, ўйин учун жамоадошларимга ва қўллаб-қувватлаш учун мухлисларга миннатдорчилик билдираман, — деди Элдор Шомуродов.