"Napoli" bosh murabbiyi Maurisio Sarri Italiya chempionatining 35-turida "Fiorentina"dan uchralgan mag‘lubiyatga (0:3) sharh berdi.

"Bu o‘yinda o‘zimizda bor bo‘lgan hamma narsani - taktik savod, xarakter, diqqat-e’tiborni yo‘qotdik. Odatda hech narsa mening jamoamni izdan chiqara olmas edi.

Bu bizning kunimiz emasdi. Yigitlarga "Inter" - "Yuventus" o‘yini natijasi ta’sir qildi, deb o‘ylamayman. Agar ta’sir qilgan bo‘lsa, demak, biz jamoani noto‘g‘ri tayyorlaganmiz.

Umid qilamanki, navbatdagi o‘yinga ruhan va jismonan tiklanamiz. Skudetto haqida o‘ylamasak ham bo‘ladi. O‘ynash kera va g‘alaba qozonish kerak, keyin nima bo‘lishini ko‘ramiz.

"Yuventus" ustidan g‘alabdan so‘ng umid bergan muxlislarimiz oldida uyatga qoldik", - deydi Sarri.