"Наполи" бош мураббийи Маурицио Сарри Италия чемпионатининг 35-турида "Фиорентина"дан учралган мағлубиятга (0:3) шарҳ берди.
"Бу ўйинда ўзимизда бор бўлган ҳамма нарсани - тактик савод, характер, диққат-эътиборни йўқотдик. Одатда ҳеч нарса менинг жамоамни издан чиқара олмас эди.
Бу бизнинг кунимиз эмасди. Йигитларга "Интер" - "Ювентус" ўйини натижаси таъсир қилди, деб ўйламайман. Агар таъсир қилган бўлса, демак, биз жамоани нотўғри тайёрлаганмиз.
Умид қиламанки, навбатдаги ўйинга руҳан ва жисмонан тикланамиз. Скудетто ҳақида ўйламасак ҳам бўлади. Ўйнаш кера ва ғалаба қозониш керак, кейин нима бўлишини кўрамиз.
"Ювентус" устидан ғалабдан сўнг умид берган мухлисларимиз олдида уятга қолдик", - дейди Сарри.
