The Sun xabariga ko‘ra, "Liverpul" yarimhimoyachisi Muhammad Saloh APLning uch o‘yiniga chetlatilishi mumkin, bu uning uchun mavsm yakunlandi degani.

Futbolchi "Stok Siti" bilan uchrashuvning birinchi bo‘limida raqib himoyachisi Bruno Martins Indi bilan kurashda uning boshiga urishga intilgan, buni uchrashuv hakami ko‘rmagan.

Angliya futbol assosiasiyasi qoidalariga ko‘ra, uchrashuvda ro‘y bergan, hakamning nigohi tushmagan vaziyatlar videoyozuvi tashkilotning maxsus komissiyasi tomonidan ko‘rib chiqiladi. Komissiya voqea yuzasidan o‘z xulosasini bildiradi. Salohning ishi bo‘yicha xulosa 24 saot davomida e’lon qilinadi.

Agar futbolchi diskvalifikasiya qilinsa, "Liverpul"da bir mavsumda urilgan gollar bo‘yicha Luis Suaresning rekordini (32) yangilay olmaydi va "Oltin butsa" uchun Lioyenl Messi va Chiro Immobile bilan kurashdan chiqadi. Saloh 31 ta gol urgan, Mesida 32 ta gol bor. Immobile 29 ta gol bilan uchinchi bo‘lib turibdi, ammo u jarohat olib, safdan chiqqan.