The Sun хабарига кўра, "Ливерпуль" яримҳимоячиси Муҳаммад Салоҳ АПЛнинг уч ўйинига четлатилиши мумкин, бу унинг учун мавсм якунланди дегани.

Футболчи "Сток Сити" билан учрашувнинг биринчи бўлимида рақиб ҳимоячиси Бруно Мартинс Инди билан курашда унинг бошига уришга интилган, буни учрашув ҳаками кўрмаган.

Англия футбол ассоциацияси қоидаларига кўра, учрашувда рўй берган, ҳакамнинг нигоҳи тушмаган вазиятлар видеоёзуви ташкилотнинг махсус комиссияси томонидан кўриб чиқилади. Комиссия воқеа юзасидан ўз хулосасини билдиради. Салоҳнинг иши бўйича хулоса 24 саот давомида эълон қилинади.

Агар футболчи дисквалификация қилинса, "Ливерпуль"да бир мавсумда урилган голлар бўйича Луис Суареснинг рекордини (32) янгилай олмайди ва "Олтин бутса" учун Лиоенль Месси ва Чиро Иммобиле билан курашдан чиқади. Салоҳ 31 та гол урган, Месида 32 та гол бор. Иммобиле 29 та гол билан учинчи бўлиб турибди, аммо у жароҳат олиб, сафдан чиққан.