Kosonsoy tumanida futbol bo‘yicha «Kosonsoy yoshlar kubogi-2018» musobaqasi bo‘lib o‘tmoqda.

Musobaqada 18 yoshdan 35 yoshgacha bo‘lgan ko‘ngillilar, jami 130 nafardan ortiq ishtirokchilar 16 jamoaga bo‘lingan xolda qatnashmoqda.

Uyushmagan yoshlarning bo‘sh vaqtini mazmunli o‘tkazish, jinoyatchilikga qarshi kurash va tumanda sportni rivojlantirish, yo‘lida Kosonsoy tuman hokimligi, Yoshlar ittifoqi, Sog‘liqni saqlash vazirligi, Ichki ishlar boshqarmasi, Kosonsoy markaziy o‘yingohi rahbariyati hamda Telegramdagi Kosonsoyliklar kanali ma’muriyati bir yoqadan bosh chiqarib, musobaqani o‘ta yuqori saviyada o‘tkazish yo‘lida birgalikda harakat qilishmoqda.

Hozirda musobaqa guruh bosqichi yakuniga yetib, chorak final uchrashuvlari boshlanish arafasida turibti. Yurtimizda bunday turnirlar o‘tkazilishi har qaysi hududda bayramona kayfiyat ulashishi turgan gap.

Chunki bizning halqimiz futbolni sevadi, futbol bilan hamnafas yashaydi, uni nafaqat televizorda tomosha qilish bilan birga balki uni maydonda ham bemalol o‘ynay olishlarini isbotlab berishmoqda.

Oqilxon Tillaxanov va Abror tayyorladi.