“Liverpul” YECHL yarim finalida “Roma”ni umumiy hisobda mag‘lub etib, finalga chiqdi.
Bu muvaffaqiyatni “qizillar” “Roma”ning ikkita muxlisi bilan janjallashib, kasalxonaga tushib qolgan “Liverpul” ishqibozi Shon Koksga bag‘ishlashdi. O‘yin tugagach futbolchilar o‘ziga xos bannerni ko‘tarib suratga tushishdi, unda quyidagi jumla yozilgandi: “Shon Koks, sen hech qachon yolg‘iz emassan”.
Bu haqda Klopp ham quyidagicha fikr bildirdi: “Biz g‘alabamizni ayni damda kasalxonada yotgan muxlisimiz Shon Koksga bag‘ishlaymiz. Men bu haqda o‘yindan oldin futbolchilarga aytgandim”.
