“Ливерпуль” ЕЧЛ ярим финалида “Рома”ни умумий ҳисобда мағлуб этиб, финалга чиқди.

Бу муваффақиятни “қизиллар” “Рома”нинг иккита мухлиси билан жанжаллашиб, касалхонага тушиб қолган “Ливерпуль” ишқибози Шон Коксга бағишлашди. Ўйин тугагач футболчилар ўзига хос баннерни кўтариб суратга тушишди, унда қуйидаги жумла ёзилганди: “Шон Кокс, сен ҳеч қачон ёлғиз эмассан”.

Бу ҳақда Клопп ҳам қуйидагича фикр билдирди: “Биз ғалабамизни айни дамда касалхонада ётган мухлисимиз Шон Коксга бағишлаймиз. Мен бу ҳақда ўйиндан олдин футболчиларга айтгандим”.