“Marsel” qo‘shimcha daqiqalarda “Red Bull Zalsburg” darvozasiga gol urib, ikki o‘yin natijasiga ko‘ra, finalga yo‘llanma oldi.

Fransiya jamoasi uchun bu 2004 yildan beri UYEFA kubogi va Yevropa ligasidagi uchinchi final bo‘ladi.

Bundan oldin “Marsel” ikki hal qiluvchi o‘yinda mag‘lubiyatga uchragan.

“Marsel” Fransiya tarixida Chempionlar Ligasini qo‘lga kiritgan yagona jamoa hisoblanadi.

Fransiyaliklar 1992/1993 yil mavsumida “Milan”ni 1:0 hisobida mag‘lub etishgan.

So‘nggi marta Fransiya jamoalari yevrokubok finalida 2003/2004 yil qatnashgan edi.

O‘shanda “Marsel” UYEFA kubokida “Valensiya”dan mag‘lubiyatga uchragan.