“Марсель” қўшимча дақиқаларда “Ред Булл Зальцбург” дарвозасига гол уриб, икки ўйин натижасига кўра, финалга йўлланма олди.

Франция жамоаси учун бу 2004 йилдан бери УЕФА кубоги ва Европа лигасидаги учинчи финал бўлади.

Бундан олдин “Марсель” икки ҳал қилувчи ўйинда мағлубиятга учраган.

“Марсель” Франция тарихида Чемпионлар Лигасини қўлга киритган ягона жамоа ҳисобланади.

Францияликлар 1992/1993 йил мавсумида “Милан”ни 1:0 ҳисобида мағлуб этишган.

Сўнгги марта Франция жамоалари еврокубок финалида 2003/2004 йил қатнашган эди.

Ўшанда “Марсель” УЕФА кубокида “Валенсия”дан мағлубиятга учраган.