Matbuot anjumanining navbatdagi qismida “Bunyodkor” jamoasi bosh Mirjalol Qosimov ishtirok etdi.

"Assalomu alaykum. Albatta bugungi g‘alabadan xursandmiz. Lekin og‘ir o‘yin bo‘ldi. Sababi, moliyaviy ahvolimiz og‘irligi, ketma-ket mag‘lubiyatlar bugungi o‘yinda o‘z ta’sirini ko‘rsatdi.

Ruhiy tomondan bizga qiyin bo‘layapti. Ammo yigitlar o‘zlarini qo‘lga olishib, ikkinchi bo‘limda yaratilgan vaziyatlarni golga aylantira olishdi. Bugungi uchrashuvda bizni qo‘llab-quvatlagan muxlislarimizga ham rahmat aytaman.

Futbolchi futbolni tanladimi, shunga mehr berishi kerak. Uning eng sevimli mashg‘uloti futbol bo‘lishi kerak. Hayotda bir narsaga erishish uchun, ba’zi narsalardan voz kechishga to‘g‘ri keladi. Agar har kim shu maqsadda harakat qilsa, Yaratganning o‘zi ham qo‘llaydi. Maydonga tushdingmi, harakat qilish kerak. Birinchi bosqichdagi maqsadimiz kuchli oltilikka kirish, ammo asosiy maqsadimiz jamoani saqlab qolish", - deydi Qosimov.