Матбуот анжуманининг навбатдаги қисмида “Бунёдкор” жамоаси бош Миржалол Қосимов иштирок этди.
"Ассалому алайкум. Албатта бугунги ғалабадан хурсандмиз. Лекин оғир ўйин бўлди. Сабаби, молиявий аҳволимиз оғирлиги, кетма-кет мағлубиятлар бугунги ўйинда ўз таъсирини кўрсатди.
Руҳий томондан бизга қийин бўлаяпти. Аммо йигитлар ўзларини қўлга олишиб, иккинчи бўлимда яратилган вазиятларни голга айлантира олишди. Бугунги учрашувда бизни қўллаб-қуватлаган мухлисларимизга ҳам раҳмат айтаман.
Футболчи футболни танладими, шунга меҳр бериши керак. Унинг энг севимли машғулоти футбол бўлиши керак. Ҳаётда бир нарсага эришиш учун, баъзи нарсалардан воз кечишга тўғри келади. Агар ҳар ким шу мақсадда ҳаракат қилса, Яратганнинг ўзи ҳам қўллайди. Майдонга тушдингми, ҳаракат қилиш керак. Биринчи босқичдаги мақсадимиз кучли олтиликка кириш, аммо асосий мақсадимиз жамоани сақлаб қолиш", - дейди Қосимов.
