Ertaga dunyo nigohi "Real" va "Barselona" uchrashuviga qaratiladi. Biz ushbu jamoalarning Ispaniya chempionatidagi to‘qnashuvlari haqidagi 20 ta qiziqarli faktni e’tiboringizga havola etamiz.
1. Ispaniya chempionatidagi ilk "El-klasiko"dagi ilk gol muallifi Moreradir. U 1929 yili "Real" tarkibida "Barselona" darvozasini 10 daqiqadayoq ishg‘ol qilgan.
2. Ispaniya chempionatida "Real"ga gol urgan "Barselona"ning birinchi futbolchisi Parera hisoblanadi. U dastlabki bellashuvning 70 daqiqasida o‘z hisobiga gol yozdirib qo‘ygan.
3. Ispaniya chempionatidagi "klasiko"larda ilk "dubl" sohibi Morera hisoblanadi. U 1929 yili "Barselona"ga ikkita gol kiritgan.
4. 1930 yili "Real" futbolchisi Laskano "El-klasiko"da "xet-trik"ka erishdi. Bu o‘zaro o‘yinlardagi dastlabki "xet-trik" edi.
5. Ramon chempionatda 1931 yili "Barselona" libosida "Real"ga uchta gol urgan birinchi futbolchiga aylandi.
6. "Real" hujumchisi Laskano "El-klasiko"larda ikki marta "xet-trik"ga erishgan birinchi futbolchiga aylandi.
7. 1935 yili "Real" 8:2 hisobida g‘alaba qozongan o‘yinda Sanudo "poker"ga erishib "klasiko"larda to‘rtta gol urgan ilk futbolchiga aylandi.
8. 1935 yili Ventorla "Barselona" tarkibida "Real"ga to‘rtta gol urgan birinchi futbolchi sifatida tarixdan joy oldi.
9. 1941 yili "Barselona" futbolchisi Rais "klasiko"lardagi penaltidan gol urgan birinchi futbolchiga aylandi.
10. O‘sha yili "Barsa"ning yana bir futbolchisi Benit "El-klasiko"lardagi ilk avtogol muallifi bo‘ldi.
