"Qo‘qon-1912"ga qarshi uchrashuvdan so‘ng "Paxtakor" bosh murabbiyi bellashuv xususida fikrlarini bildirdi.

- Qiyin o‘yin bo‘ldi. Uchrashuvdan avval futbolchilarga ham bu to‘g‘risida aytgandik. Raqib kam to‘t o‘tkazmoqda. Ular atigi to‘rt gol qo‘yib yuborishgandi. Ular ishtirokidagi uchrashuvlarda ko‘p gollar bo‘lmayapti. Jamoa himoyada juda tartibli o‘ynaydi. O‘yinni o‘zimiz istagandek boshlamadik. To‘p o‘tkazgach, o‘zimizga keldik va imkoniyatlarga ega bo‘ldik. Hisobni tenglashtirdik, yana qulay vaziyatlarga ega bo‘lgandik.

Chempionatda uchrashuvlar qiyin o‘tmoqda. Har bir bellashuvga jiddiy tayyorlanish lozim. Birinchi bo‘lish oson emasligini bilamiz. Ko‘proq raqib maydonida faol o‘ynashga intilyapmiz. Hujumlarni yakunlash va so‘nggi uzatmani amalga oshirishda muammolarga egamiz.

Andreevni asosiy tarkibga qaytgani bilan tabriklayman. Og‘ir jarohatdan so‘ng uzoq muddatli tiklanish jarayonida faol ishladi. Bu uning mehnatlari samarasidir.